10 трикови како повеќе да не бидете несреќен и исфрустриран родител

Откажете се од идејата дека ќе бидете супер родител 24/7, не можете да ги заштитите од сè, ваша задача е само да ги насочите, а тие самите да учат од своите искуства.

Следниот пат кога ќе бидете под стрес, исфрустрирани и депресивни... Потсетете се дека и родителите се само луѓе! Не сте машини кои функционираат на автопилот и не чувствувајте притисок секогаш сè што ќе кажете и направите да биде совршено.

Да се биде родител е тешко, односно најверојатно најтешката работа во нашиот живот.

Совети кои ќе ви помогнат како да бидете среќен родител, а не исфрустриран и незадоволен:

- Престанете да чувствувате вина што одвојувате време за нега на себе, тоа не е себичен потег, туку е неопходност, без разлика дали е шолја чај или ручек средба со пријатели.

- Откажете се од идејата дека ќе бидете супер родител 24/7, не можете да ги заштитите од сè, ваша задача е само да ги насочите, а тие самите да учат од своите искуства.

- Буквално закажувајте си време за себе – барем еден час прошетка сами во природа на неколку дена или нешто што ве прави вас среќни.

- Исклучете се од социјалните мрежи, обидете се да го гледате светот преку очите на вашите деца, така ќе научите да пронаоѓате радост во сè.

- Планирајте едноставни семејни активности, играјте карти, градете кули, палете оган во природа и правете пикници – наједноставните работи ќе ви ги креираат најубавите семејни спомени.

- Престанете да ги раскажувате одново и одново негативните искуства што сте ги имале со децата, така ги преживувате одново – наместо тоа, фокусирајте се на добрите работи и така ќе ви се лачи повеќе хормон на среќа, допамин.

- Индивидуално поврзете се со секое дете – прашајте ги што сакаат и придружете им се во таа активност без да има потреба да ве молат, ќе се забавувате заедно и со тоа ќе го разбудите детето во себе.

- Бирајте ги битките внимателно, односно не почнувајте комуникација со вашето дете тинејџер со дрзок став од типот „Те предизвикувам да го направиш тоа...“, така ќе има контранапад.

- Пронајдете време да се поврзете и со други луѓе со кои ќе разменувате искуства и ќе се полните со позитивна енергија, која потоа ќе ја донесете и во домот.

- Ако долго време чувствувате криза и не можете да се справите со емоциите, тогаш посетете психолог и отворено разговарајте за емоциите и за стратегија како да се справите со случувањата од секојдневието.

С. С. | Црнобело / Фото: depositphotos.com