„Првпат станав мајка на 44 години – како тоа ме направи подобар родител?“

„Никогаш не ми беше во план да станам мајка толку доцна во животот, а деновиве вестите околу првата бременост на Хилари Свонк на 48 години ме потсетија дека и јас забременив доста доцна. Се породив неколку седмици по мојот 44-ти роденден, а првпат почнав да се обидувам да забременам на почетокот од 40-тите...“

Хилари Фриман, новинарка и писателка, од Велика Британија искрено говори за тоа како е да се биде мајка за првпат на 44 години.

Нејзината приказна:

„Можам и да замислам колку Хилари Свонк се чувствува и благодарно и анксиозно едновремено, но и колку добива негативни коментари.

Јас не верувам дека некој намерно остава да има прво дете на 44 години, но може животот така да се одигра и да се случи тоа, како што беше мојот случај.

Едноставно никогаш не беше вистинското време, околности и партнер и почнав да се обидувам да добијам дете дури на почетокот од 40-тите.

Сега, имам 51 година и имам 7-годишна ќерка која ја носам на училиште секој ден, додека моите врсници имаат деца на факултет.

Мојот пат до мајчинство вака доцна не беше лесен.

Како и кај Хилари и кај мене бременоста беше резултат на втор брак. Иако од средината на 30-тите веќе почнав да копнеам по дете, можам слободно да кажам дека мојот прв сопруг не го чувствуваше истото.

Пред воопшто да почнам да се обидувам да забременам, морав прво да ставам крај на тој брак, па да запознаам некој кој сака да започне семејство исто како и јас. Еден долг и тежок процес.

Кога го сретнав вториот сопруг имав 39 години.

Тој е 4 години помлад од мене и почнавме да се обидуваме да зачнеме дете, пред мојот 41-ви роденден.

Мислевме дека ќе бидат потребни месеци, па и години пред да зачнам поради мојата возраст, но изненадувачки забременив првиот месец.

Но, во шестиот месец од бременоста дознавме дека нашето бебе има екстремно ретко нарушување, кое комплетно ќе му го отежни животот, и тогаш морав да донесам ужасна и болна одлука да ја прекинам бременоста.

Потоа, брзо забременив повторно. Но на 6-тата недела од бременоста имав спотан абортус, па ми се случи уште еднаш во наредната бременост во 9-тата недела.

Никој не знае зошто, но можеби „возраста“ на моите јајце клетки беше фактор, но докторот ми рече да продолжам да се обидувам затоа што шансите се 50/50.

По 6 месеци, на возраст од 43 години забременив по четврти пат, бев пресреќна, но не си дозволив да верувам дека е возможно и дека ќе можам да го износам бебето до крај.

Но, овојпат среќата беше на наша страна и ја родив нашата ќерка Сидони во јуни 2015 година, само неколку месеци по мојот 44-ти роденден.

За мене забременувањето во 40-тите не беше тешко, но беше тешко да го износам бебето.

Продолжува на следната страна...