Најчести причини зошто некои луѓе не носат бурма (иако се во брак)

Дали ако некој е во брак и не ја носи бурмата значи дека планира да изневерува? Кои се шесте најчести причини зошто луѓето одбиваат да носат бурма?

Голем број од луѓето што се во брак редовно ги носат бурмите на четвртиот прст од десната рака, но има и такви што ги чуваат уредно во кутијата за накит и не ги носат. Зошто?

Значи ли тоа дека планираат да го изневерат брачниот партнер или пак постојат други причини заради кои одбиваат да го носат симболот на верност и лојалност?

Лични уверувања

Некои луѓе сметаат дека прстенот нема никаква врска со љубовта и дека прстенот е еден вид на етикета, што нема потреба да ја носат за да докажат дека го сакаат партнерот.

Според нив, љубовта е интимно чувство меѓу две личности и нема потреба да им докажуваме на другите дека сме вљубени и среќни.

Алергии

Иако се ретки, некои луѓе едноставно не можат да поднесат да носат каков било накит, па дури ниту злато и сребро затоа што на кожата може да им се појави црвенило или чешање.

Без разлика дали веруваат во традицијата или не, едноставно заради здравствени причини мора да се откажат од носењето бурма.

Работа

На некои работни места не можете да носите прстени. Хирурзите, градежните работници или оние луѓе што работат со градежни машини едноставно не можат да си дозволат да носат прстени затоа што тоа е целосно непрактично, а може да биде и опасно.

Страв да не ја загубат

Луѓето што не носат накит се соочуваат со голем предизвик кога треба да носат бурма.

Постојат такви што носат накит само во посебни пригоди, а кога ја носат бурмата постојано стравуваат дека ќе ја загубат, па затоа следниот пат може да ја остават дома за да не мислат постојано да мислат на неа.

Вишок килограми

Бурмата ви била точна на денот кога сте стапиле во брак, но со текот на времето сте се здебелиле и прстенот станува премногу тесен.

Постојат и такви луѓе што морале да го носат прстенот на сечење за да можат да го извадат од прстот.

Некои луѓе едноставно не сакаат накит

Постојат луѓе што не сакаат накит и сметаат дека заради свадбената традиција не треба да се менуваат себеси. Тоа не значи дека не го почитуваат или не го сакаат партнерот, но не сакаат да прифаќаат компромиси и да прават нешто што не сакаат за тој да биде среќен.

Б. С. Б. | Црнобело