Трикови со кои холивудските дами ги кријат белите влакна без да ја фарбаат косата (а можете да ги копирате)

Волуменозни фризури, украси за коса, плетенки околу целата глава - холивудските дами често ги користат овие едноставни трикови со кои седите влакна не им се забележуваат.

Најлесниот начин да се ослободите од белите влакна е со фарбање на косата. Но, што ако имате само неколку седи влакна низ целата коса или ако косата ви е само малку подрасната бидејќи сте ја фарбале пред недела-два и сè уште е многу рано за ново бојадисување?

Холивудските дами често ги користат овие едноставни трикови, па иако имаат седи влакна, тие не се забележуваат.

Сменете ја линијата на патецот

Белите влакна вообичаено се најизразени на патецот.

Па, ако не можете (или не сакате) да се фарбате, тогаш сменете ја линијата на патецот и веднаш ќе го решите проблемот со белите влакна што ѕиркаат.

Направете плетенка околу целата глава

Ако имате долга коса, седите влакна ќе можете да ги скриете со волуменозна плетенка, која ќе ја врзете околу целата глава (како на фотографиите).

Обичната плетенка нема да ги скрие побелените влакната, таа во ваков случај не е решение.

Користете аксесоари

Ако косата не ви е доволно долга за да ја сплетете во плетенка, или ако не ви се допаѓа тој стил, седите влакна можете да ги скриете со венчиња, шноли или украси за коса.

На овој начин, освен што ќе изгледате елегантно, ќе ги скриете и белите влакната што ви пречат.

Изберете фризура со волумен

Во никој случај не ја залижувајте косата и не ја собирајте во опавче, бидејќи оваа фризура лесно ги открива седите влакна.

Наместо тоа, направете фризура со волумен, која ќе ги покрие седите делови од косата.

Обојте ги белите влакна со сенка, маскара или спреј за коса

Понекогаш најлесниот начин да ги покриете седите влакна е да ги обоите со сенка за очи.

Можете да користите и маскара за очи или, пак, да ги испрскате влакната со спреј за коса (доколку најдете нијанса која е соодветна на вашата боја на коса).

А. Ј. | Црнобело