Како руменило, како коректор: За што сè можете да го користите карминот?

Кога имате кармин со кремаста формула, ќе можете да го користите и како сенка за очи. За да го искористите на овој начин, едноставно втријте го на прстите и рамномерно нанесете на капаците на очите. 

Ниту една шминка не е комплетна без впечатлив кармин. Без разлика дали станува збор за црвена, розова или крем нијанса, вклучувањето на карминот во рутината за шминкање ќе направи да се чувствувате поживи и повпечатливи.

Но, освен тоа што може да ги истакне вашите усни, карминот може да го употребувате и на други начини.

Погледнете неколку неочекувани употреби на карминот во вашата секојдневна рутина за разубавување:

Кармин како руменило

Еден од најдобрите начини да го искористите карминот во розова боја е да го употребите како руменило.

Нанесете розов кармин на јаболкниците на лицето и нежно измасирајте со прстите.

Кармин како коректор за лице

Ако сакате да ги скриете темните кругови околу очите, црвениот кармин може да ви помогне за тоа. Нанесете под очите врз темните дамки, па нежно размачкајте го со прстите.

Не нанесувајте премногу и не заборавајте добро да го размачкате.

Кармин за контурирање

Искористете го вашиот омилен кафеав или кармин во крем боја за контурирање. Одберете нијанса потемна од тонот на вашата кожа, а на крај користете пудра за целосно да го финиширате изгледот.

Кармин како сенки за очи

Кога имате кармин со кремаста формула, ќе можете да го користите и како сенка за очи. За да го искористите на овој начин, едноставно втријте го на прстите и рамномерно нанесете на капаците на очите.

Ако сакате да го направите изгледот повпечатлив, тогаш користете хајлајтер за да постигнете посветол ефект.

Измешајте две нијанси за да ја добиете посакуваната

Можете да добиете нова нијанса на кармин, без да трошите многу пари. Само измешајте две различни бои и добијте целосно нова нијанса.

Кармин само за нежно нагласување на бојата на усните

Сите имаме денови кога не сакаме ништо дополнителни на нашите усни. Значи, само ставање на малку боја и веќе сме спремни за излегување.

За да ја постигнете таа природна нијанса, нанесете само неколку дамки кармин на усните, а потоа размачкајте. Користете го и врз балсам за усни за да добиете поубав ефект.

М. Ѓ | Црнобело / фото: freepik.com