4 трикови со кои локните ќе ви траат подолго од една вечер

Немојте да ја миете косата пред виткање и користете помалку продукти како регенератор.

Ако имате права и помека коса, веројатно ви е тешко да ги одржите локните подолго од една вечер.

Можеби некогаш витканата коса не ви издржува ни неколку часа.

Кога повторно ќе правите фризура со локни, земете ги предвид следниве совети:

Немојте да ја миете косата пред виткање

Секако дека не треба да ја виткате косата кога ви е многу мрсна, но не ја мијте веднаш пред да ја виткате.

За фризурата да трае подолго, препорачливо е да ја измиете косата еден ден претходно.

Користете помалку продукти како кондиционер

Ако планирате да ја виткате косата, додека ја миете ставете помалку од продуктите како кондиционер или регенератор.

Овие продукти ја прават косата многу мека, па фризурата ќе се растури речиси веднаш.

Избегнувајте да правите локни со пегла или фигаро

Точно е дека правењето локни со топлина, односно со пегла и слично, е многу побрзо.

Но, честото користење топлина за обликување значително ја оштетува косата, а ја прави и потешка за стилизирање.

Ако правите локни само повремено, нема ништо лошо во тоа да користите топлина.

Но, ако ги правите често, подобро користете виклери.

Купете квалитетен спреј за прицврстување

Немојте да користите најевтин лак за коса бидејќи фризурата ќе изгледа премногу вештачки, а и нема да ви трае многу долго.

Наместо тоа, вложете во подобар спреј за прицврстување кој може да направи огромна разлика.

Спирова С. | Црнобело