Активни состојки во продуктите за нега што треба да ги избегнувате ако имате сува кожа

Салицилната киселина е состојка која може да помогне во борбата против акни. Но, ако имате сува кожа, салицилната киселина може да биде премногу груба и да ви предизвика иритација.

Никогаш претходно сме немале толку многу продукти за нега на кожа како денес.

Серуми, тонери, кремови, маски – постојат продукти за буквално секаков тип на кожа и скоро сите се наоѓаат по прифатлива цена.

Но, кога изборот е толку голем, сепак станува потешко да откриете што најдобро функционира за вас.

Денес повеќето продукти за убавина имаат таканаречени активни состојки чија цел е да третираат одредени проблеми, како црвенило, сувост, акни…

Но, додека некои активни состојки можат да ви бидат од огромна корист, дури може да ви создадат повеќе проблеми

Активни состојки кои е најдобро да ги избегнувате ако имате сува кожа:

Салицилна киселина

Салицилната киселина е состојка која може да помогне во борбата против акни. Продира длабоко во кожата, ја ексфолира и го чисти вишокот масти и нечистотии.

Но, ако имате сува кожа, салицилната киселина може да биде премногу груба и да ви предизвика иритација.

Бензоил пероксид

И ова е активна состојка која може да помогне во намалувањето на појава на акни и мозолчиња, а може да го отстрани и вишокот масти.

Сепак, кај сува кожа, може дополнително да ја иритира, па дури и да предизвика лупење.

AHA киселини

AHA киселините се како хемиски пилинг кој помага во отстранувањето на мртвите кожни клетки.

Додека можат да бидат идеални за нормална и мрсна кожа, AHA киселините се премногу груби за сува кожа и можат да предизвикаат црвенило.

Алкохол

Алкохолот е состојка во многу продукти за убавина, но не е погоден ако имате сува кожа.

Алкохолот ја дехидрира кожата – нешто што не сакате да се случи кога веќе имате проблем со сувост.

Ретиноиди

Ретиноидите се сметаат за едни од најефикасните состојки кои го спречуваат стареењето.

Со редовна употреба, навистина може да ги намалат фините линии бидејќи го стимулираат производството на колаген.

Сепак, ако имате сува кожа, бидете внимателни со ваквите продукти.

Некои истражувања покажале дека кај сува кожа, може да предизвикаат црвенило и воспаленија.

Ако сакате да користите продукт со ретиноиди, тогаш почнете со многу мало количество, неколкупати во неделата и следете ја состојбата на кожата.

Парабени

Бидејќи сувата кожа е посклона кон оштетување парабените можат да бидат премногу груби за неа.

Истот така, ако нанесе продукт со парабени во текот на денот, се зголемува ризикот од оштетување од сончевите зраци.

Парфеми

Ако имате сува кожа, секогаш купувајте продукти за нега кои не содржат парфем.

Иако сите уживаме во пријатниот мирис, парфемите можат дополнително да ја исушат кожата, па дури и да предизвикаат црвенило и чешање.

Спирова С. | Црнобело