Испробајте: 3 масажи кои го бришат целулитот

Рачната масажа со техника на штипење, масирање со дланките и цедење е поделотворна и од масажите кои вклучуваат скапи апарати, масла и што ли уште не.

Докажано е дека најголеми непријатели на целулитот се нездравата исхрана и задржувањето на водата во организмот, па ако и вие сакате да се изборите против нив, ви ги препорачуваме овие 3 масажи кои можете да ги испробате во домашни услови.

Критичните делови намачкајте ги со масло или мрсна крема со масла од бршлен и бадем кои ја поттикнуваат циркулацијата. Секој дел од нозете и задникот масирајте го барем 1 минута.

Масажа со штипење

Штипењето со прстите е идеален начин на кој крвта доаѓа до површината на кожата. На тој начин ќе ги отстраните насобраните токсини.

Масажа со цедење

Опуштете ги мускулите и фатете ги нозете како кога цедите пешкир. Виткајте во две спротивни насоки, додека можете да издржите. Оваа масажа е најефективна за бутовите и проблематичните делови на колковите.

Масирање со дланките

Со дланките притискајте ги деловите на кои се насобрал целулитот. Со силен стисок ќе ги разбиете масните наслаги и ќе му помогнете на организмот подобро да се избори со нив.