Направете си сами француски маникир во 6 чекори

Класичниот и елегантен маникир кој никогаш не излегува од мода е добропознатиот француски маникир. Тој е синоним на елеганција и стил.

Но, за тоа не мора да одите на козметичар, туку со 6 едноставни чекори може да си го направите дома.

1. Задолжително ставете подлога

Подлогата се става и на долната страна на ноктот за да се зачува површината од вода, детергенти и други надворешни влијанија.

2. Излакирајте ги ноктите

Доколку сакате француски маникир се препорачува нежната розева нијанса со која ќе го покриете целиот нокт. Ако имате некои оштетувања употребете лак во беж боја, која ќе ги скрие сите неправилности.

3. Стикери

Залепете самолепливи стикери на врвот на ноктите, колку што ќе ви биде просторот за белата линија. Кога ќе се исуши лакот, извадете ги и стикерите.

4. Бела линија

Нацртајте бела хоризонтална линија така што првиот слој ќе ви биде помал, па откако ќе се исуши, ќе го повторите.

5. Корекција

Со мала четка за шминкање натопена со отстранувач за лак, поправете ги грешките.

6. Безбоен лак

Нанесете го повторно горниот слој со безбоен лак кој ќе им даде сјај на ноктите.