Нова метода на миење на косата без употреба на шампон

Поголемиот дел од стилистите и научниците се придружуваат на анти-шампон движењето кое подразбира исфрлање или минимална употреба на шампонот како средство за миење на косата.

Голем број на стилисти велат дека косата не треба да ја миеме со шампон од причина што големиот број на комерцијални производи користат сулфати кои ги отстрануваат мастите од кожата и влакното и ја прават косата покршлива и подложна на оштетување.

Миењето на косата без шампон или уште познато како „No poo method“ се повеќе зема замав, бидејќи се темели на едноставна премиса, дека шампонот без разлика на тоа кое е неговото потекло повеќе штети на косата, отколку што има корисни придобивки.

Најдобро е да се користат алтернативи како сода бикарбона, лимонов сок, оцет, па дури и само вода. Но, кои се последиците од таквиот избор и дали овие начини одговараат на секој тип на коса?

Се вели дека 20 и 30-годишните може слободно да се одлучат за природни третмани на косата, бидејќи нивната коса не бара дополнително внимание, но ова не е прифатлив избор за жените кои се во менопауза.

Менопаузата ја менува количината на хормони кои се ослободуваат во крвта и ја менува рамнотежата на организмот па потребна е дополнителна нега на косата.