4 домашни евтини решенија против испукани пети

Во текот на летото нозете се многу почесто боси, па затоа не смеете да си дозволите да имате груба кожа на петиците.

Наместо секоја втора недела да давате пари за педикир, обидете се да го направите сами дома.

Овие 4 решенија ќе ви помогнат да ја отстраните тврдата кожа од стапалата:

1. Пена за бричење

Нанесете голема количина пена за бричење на стапалата. Во еден голем леген помешајте еднаква количина вода и вода за плакнење на устата и натопете една крпа. Додека стапалата ви се уште со пена, замотајте ги во пешкирот и отстојте половина час. Со истата крпа потоа тријте ги стапалата додека не ја отстраните пената. Заедно со неа ќе го отстраните и мртвиот слој на кожа.

2. Билно или маслиново масло

Одберете било какво хранливо масло и направете темелна масажа на стапалата. Облечете памучни чорапи и преспијте со нив. Правете го овој третман повеќе пати во неделата.

3. Вазелин

Уште едно одлично средство кое ќе ја омекне сувата кожа. Постапката е иста како и со маслото.

4. Солена купка

Топлата солена купка е наједноставниот рецепт за лечење испукани пети. Во топла вода додајте дланка морска сол, почекајте да се растопи и ставете ги нозете во неа половина час. Потоа направете третман со масло или вазелин.