Девојката која не користи шампон и регенератор 1 година, вели дека косата никогаш не ѝ била поздрава

Кајли Конвеј е 28-годишна девојка која сакала на природен начин да ја одржува својата коса и да ги исфрли хемикалиите од секојдневието, па првиот чекор било откажувањето од шампонот и регенератор.

Ваквата козметика ја заменила со природни алтернативи, како сода бикарбона, маска од јајца, глина и измивање со оцет, после кои како што тврди, косата и изгледа поздрава и поубава од било кога.

Покрај добрите резултати, Кајли вели дека заштедила многу пари.

„Косата ми изгледа поздраво од било кога. Свети, побрзо расте и има поголем волумен. Сега е лесно, само станувам, ја чешлам косата и излегувам.“

Пред да го започне овој експеримент, со косата на Кајли се било во ред. Освен тоа што ја исправувала со пегла и имала суви врвови, немала никаков друг проблем.

Проблемите дошле штом го започнала експериментот, но била доволно упорна за да ги издржи.

„Нема да ве лажам, на почетокот беше грозно. Мојата коса се чистеше од хемикалиите насобрани од шампоните и регенераторите, па беше толку мрсна што дури ни собирањето во опавче не ми помогна.“

Сега Кајли ја мие косата на 4 дена, влагата ја впива со пешкир и не користи фен за сушење. Понекогаш знае да ги испегла врвовите за некој свечен настан, но вели дека не и посветува повеќе од 5 минути.

„Ја обожавам оваа рутина. Сега чувствувам дека косата ми е цврста, сјајна и без слоеви силикон од козметичките препарати.“

М. Д. | Црнобело