Супер трикови со кои козметичките препарати ќе ги искористите до последна капка

Ако соберете и изброите колку млека за тела, кармини и лакови за нокти имате фрлено без да бидат целосно потрошени, сигурно во пари тоа ќе ве чини едно мало богатство.

За козметичките препарати да ви траат подолго и да ја искористите секоја капка од нив, ви помагаме со овие супер трикови кои ќе ви заштедат доста пари на месечно и годишно ниво:

1. Остатокот од пудрата во шишенце искористете ја така што во неа ќе додадете малку крема за лице. Така ќе добиете совршена лесна подлога.

2. Пред да ги фрлите кремите во туба, исечете ги на половина и со стапче за уши соберете го тоа што е останато. Ќе имате за уште една недела најмалку.

3. Поправете ја скршената сенка или било кој препарат во прав, така што ќе капнете медицински алкохол додека не добиете густина на паста. Кога алкохолот ќе испари, текстурата повторно ќе биде иста како претходно.

4. Исушената маскара, тушот за очи или кремаста сенка можете секогаш да ги „оживеете“ со неколку капки физиолошки раствор.

5. Трепките кои веќе еднаш сте ги залепиле, исчистете ги од залепената маскара и силиконски лепак со помош на медицински алкохол и четка за веѓи.

6. Потопете ја маскарата во топла вода за да ја вратите текстурата и полесно да ја нанесете. Само внимавајте добро да е затворена.

7. Ако сте при крај со сјајот за уста, извадете ја гумата или пластиката која е како додаток на самото шишенце. Така полесно ќе земете поголеми количини.

8. Поправете го скршениот кармин со помош на запалка.

9. Извлечете го максимумот од парфемите тестери така што ќе ги ставите во млекото за тело кое го користите секојдневно.

М. Д. | Црнобело