6 чекори со кои секогаш ќе имате идеален тен

Чистата и негувана кожа е тајниот рецепт за инстантно разубавување. Дури и најскапите пудри и коректори не можат да ви помогнат, ако ја запоставувате негата.

Ако сакате да постигнете ефект на совршена кожа, потребни ви се само 6 чекори:

1. Чистете ја кожата и хранете се здраво

Прво, па клише. Но, тоа е вистината. Внесувајте многу витамини и бирајте козметика соодветна на типот на кожа. Козметичарите препорачуваат редовни пилинзи и маски за навлажнување на кожата. Исто така, секојдневното чистење на лицето со тоник и лосион гарантира добри резултати.

2. Покријте соодветни коректори за да ги сокриете недостатоците

Зелениот коректор го намалува црвенилото и најдобро е да го нанесувате со прст или сунѓерче. Ако сакате да ги покриете жолтите или кафеави пеги и флеки, изберете виолетов или син коректор.

3. Правилно покријте ги подочниците

Грешка која сигурно ја правите секојдневно - нанесувате полукруг со коректорот под очите. А, треба да нанесете триаголник.

4. Како да ја погодите правилната боја на пудра

Ова е можеби најтешката работа во животот на една жена. За да не ја направите погрешно, нанесете 3-4 тонови кои ви делуваат слични на вратот. Не на раката, на јаболкниците, на челото, исклучиво на вратот.

5. Контурирајте

Контурирањето од тренд прерасна во секојдневна рутина за разубавување. Така најлесно се постигнува природен изглед и се истакнуваат вашите најдобри црти.

Главното правило гласи - осветлете ги површините кои сакате да ги истакнете, а затемнете ги деловите од лицето кои сакате да ги сокриете.

Овално лице

Округло лице

Триаголнесто лице

Правоаголно лице

6. Руменилото е задолжително

Руменилото на образите додава природна свежина на лицето. Важно е да запаметите дека ако имате светла кожа добро ви прилегаат розови тонови, додека бронзените и коралните се за девојките со средна до темна кожа.

Кога ставате руменило - насмевнете се. Користете соодветна, голема четка и нанесувајте со кружни движења.

М. Д. | Црнобело