7 тајни од Индијките за брз раст на косата

Запознајте ја Сушмита - Индијката која е гуру за нега на косата на YouTube.

Сите ја обожаваат нејзината долга и беспрекорна коса, па ако сакате да и украдете неколку трикови и совети, ова се нејзините 7 тајни:

1. Гел од алое

Со сок, односно гел од алое масирајте ги корените на влакната. Масажата ја подобрува циркулацијата на крвта, па џусот е подобро апсорбиран. Оставете ја маската 2-3 часа да се исуши или преспијте со неа, ако наутро имате време за миење на косата.

2. Маска со пантенол

Ова е посебно корисен третман ако косата ви паѓа и сакате да ги обновите фоликулите на влакното. Измијте ја косата како и вообичаено, нанесете пантенол во било каков облик за да ја исчистите косата, фокусирајќи се на коренот. Со нанесување на пантенол на цела коса го намалувате и електрицитетот.

3. По миењето, плакнете ја косата со ладна вода

Откако ќе ја измиете косата како што тоа го правите обично, маската или регенераторот исплакнете го со студена вода. Така ќе ја подобрите циркулацијата на крвта, што ќе резултира со побрзо растење на косата.

4. Миење со оцет

Измијте ја косата со шампон, па наместо регенератор нанесете јаболков оцет. Се препорачува да не плакнете бидејќи јаболковиот оцет нема толку силен мирис како винскиот. Ова е доволно да го правите 3-4 пати во месецот за да го зацврстите влакното.

5. Протеинска маска

Изматете две белки од јајца и нанесете ги на коренот, па полека разнесете низ целата коса. Замотајте во пешкир за да ја стоплите главата. Недостатокот на протеини често ја прави косата кршлива, а оваа маска ќе ја подобри состојбата.

6. Маска од јајце и бренди

Оваа маска го прави влакното поцврсто и го стимулира растот, а треба само да размешате 2 јајца со 1 мала чашка бренди. Изматете со миксер, па добиената смеса нанесете ја на коренот. Ако сакате да ја распоредите по целата коса, додадете уште малку маслиново масло.

7. Користете есенцијални масла

Комбинирајте неколку есенцијални масла или ставете само масло од кокос. Нанесете на коренот и почекајте 2-3 часа да делува. Двапати исплакнете со шампон.

М. Д. | Црнобело