6 месеци го користам Philips Lumea Prestige – искуство и резултати

Здраво девојки! Поминаа повеќе од 6 месеци откако за прв пат се сретнав и добив можност да го тестирам Philips Lumea Prestige (од почетокот на март годинава).  Доколку не сте ги следеле првите постови – станува збор за IPL уред за домашна употреба кој го намалува растот на влакната веќе после 2 третмани, а оптимални резултати од 75% намалена густина на влакната би требало да се постигнат после 3 до 4 третмани.

Мојот последен пост беше после 6 седмици од првиот третман и резултатите беа и повеќе од видливи. Можам слободно да кажам дека за овој период, успешно се проретчија за 80%.

Бидејќи добивав многу прашања од типот „Сега имаш ли влакна?“, „А, треба ли да се депилираш?“, „А, на препоните?“ и слично, решив да го споделам моето искуство по поминати 6 месеци. Девојки, да, делува секаде!

Следејќи го упатството, јас продолжив да го користам Philips Lumea Prestige на секои 6 недели, затоа што кога ќе почнам да правам нешто, сум упорна до крај, а ова ми беше предизвик со резултати кои ги очекував нетрпеливо.

За време на летниот период, кога се изложував на сонце, третманот го правев 1 седмица пред да се појавам на плажа.

Влакна на нозете, рацете и пазувите во моментов немам! Она што ќе порасне од време на време (5-6 влакна кои не растеле рамномерно) се меки, нежни и незабележливи.

Конечно успеав да се ослободам и од влакната на препоните (овие беа малку поупорни од останатите делови од телото и бараа повеќе третмани за да ги снема) – знаете она кога ќе ви падне камен од душата? Епа така се чувствувам јас сега :-)  И се уште, го обожавам фактот дека може да си го користите дома, кога сакате, без притисок, закажувања, непријатни третмани во салони, без да ви зјапаат тројца во телото.

Ако навистина сакате трајно и безболно отстранување на влакната, овој гаџет за убавина дефинитивно треба да се најде во вашиот дом. Искрено, јас ги земав во предвид и анализирав сите опции за трајна депилација, и дефинитивно ова е најбезболна и најекономична инвестиција.

Во моментов, Philips Lumea Prestige може да го најдете во маркетите на Нептун. Повеќе информации за производот може да прочитате овде.