Топ 5 женски парфеми за зима 2016/2017

Во студениот период, слатките мирисни есенции ќе ги замениме со нешто побогати ноти на цимет, каранфилче, ванила и чоколадо кои асоцираат на зима.

Официјално почна сезоната на зимски капути, шалови и капи, што значи дека на ред е и промената на есенскиот парфем.

Ова се топ 5 парфеми кои ќе доминираат оваа зима:

Куќата YSL најави лансирање на Black Opium Floral Shock на самиот почеток од следната година, кој ќе има карактеристични цветни и зелени мирисни ноти. Но, додека го очекуваме, слободно може да се задоволиме и со прекрасниот Black Opium во кој доминираат нотите на кафе, ванила, јасмин, розов бибер и цвет од портокал.

Shalimar е уште еден погодок со кој не можете да погрешите. Достапен е во неколку варијанти, а секоја се истакнува со мирис базиран на ванила, бергамот портокал и ирис.

Chanel No.5 е парфемот кој нема потреба од претставување. Еден од најпознатите парфеми е одличен за зима бидејќи се базира на ноти од рози, јасмин и цветна-алдехид арома.

За љубителите на „тешки“ мириси, совршен избор би бил Eau Duelle кој е совршен склоп од мириси на слатка ванила, црн чај и ирански шафран.

Ако сакате сите да ве паметат каде и да се појавите, одберете го Orchidee Vanille на Van Cleef & Arpels. Буквално гурмански парфем кој е составен од ванила, орхидеи, чоколадо и бадеми.

М. Д. | Црнобело