Кои состојки треба да ги барате на етикетата на козметичките производи?

Кожата е најголемиот наш орган и таа секојдневно е изложена на различни надворешни и внатрешни влијанија. Особено во денешно време, изложени сме постојано на внесување на разни токсини во организамот и мора да внимаваме што внесуваме во телото и на кожата.

Има безброј козметички препарати на пазарот за нега на различни типови на кожа, но веќе и козметичките гиганти сè повеќе го следат трендот на природна нега и создаваат препарати на природна база.

Природното е најдобро, но одредени природни масла имаат подобри својства, па затоа кога ќе одите во шопинг по нови козметички производи побарајте ги следните состојки на нивните етикети:

1. Серуми и масла од супер храна

Побарајте производи кои се направени од супер храна како авокадо, акаи, спирулина, пченична трева и моринга.

2. Масло од морков

Ова масло има природен фактор за заштита од сонце, а богато е со провитамин А и ја лекува и ревитализира кожата.

3. Масло од кокос

Кокосовото масло има антибактериски и антифугални својства. Помага за смирување на воспаленијата на кожата, а делотворно е и при третирање на акни. Има многу широка примена и може да се користи во секакви препарати или самостојно.

E. A. | Црнобело