20 навики за здрава, сјајна и поцврста коса

Сите сонуваме за здрава, долга и мазна коса, но ретко која жена знае дека сите „третмани“ може повеќе да наштетат, отколку да и помогнат во таа цел.

За да ја имате косата за која одамна сонувате, неопходно е да усвоите неколку природни навики и да ги промените веќе постоечките.

Ова се 20-те наједноставни со кои може да почнете од денес:

1. Намокрете ја косата со бел вински оцет откако ќе ја измиете со шампон и оставете неколку минути пред да исплакнете. Уште по првиот третман косата ќе ви биде посјајна.

2. Еднаш месечно, користете маска од изгмечено авокадо.

3. Мијте ја косата со свежи жолчки од јајце, наместо шампон. Иако изгледа чудно, жолчките ја хранат косата подобро од сите хемикалии, без да го ослабат влакното.

4. Не ја мијте косата пречесто.

5. Користете шампон без сулфати. Ова е една од најштетните состојки.

6. Плетете ја косата во плетенка пред да си легнете. На овој начин ќе добиете убава брановидна текстура наутро, без да ги кршите и виткате влакната додека спиете.

7. Масирајте го скалпот со дрвени четки за да ја поттикнете циркулацијата на крвта, што понатаму ќе го поттикне растот на влакното.

8. Штитете ја косата од сонцето. Во лето задолжително користете продукти со СПФ фактор.

9. Не ја сушете косата често со фен. Ако имате време, сушете ја природно.

10. Сепак, пред да одите на спиење, добро исушете ја косата. Не сакате да се разбудите бушави следниот ден.

11. Избегнувајте пеглање на косата колку што можете, а кога „морате“ да ја испеглате, користете спреј кој ја штити од високите температури.

12. Аргановото масло е одлично за нега. Користете го за расцветаните врвови и сувиот скалп како маска за коса.

13. Не ја четкајте косата кога е мокра, тоа ја прави подложна на кршење.

14. Обидете се да не ја фарбате и осветлувате косата.

15. Спијте на сатенска или свилена перница. Овие материјали се лизгаат, па влакната нема да се заплеткаат и искинат во сон.

16. Ако имате кршлива коса со расцветани врвови, идеално би било доколку ја кратите на 8 недели за да остане здрава.

17. Консумирајте биотин. Тој го поттикнува растот на влакното.

18. Опуштете се. Ништо не и пречи на косата повеќе од стресот. Без разлика колку добро ја негувате, ако сте постојано под стрес, никогаш нема да го постигнете саканиот ефект.

19. Хранете се здраво. Внесувајте витамини и минерали. Не избегнувајте протеини.

20. Хранете ја и косата, редовно. Користете домашни маски или купечки масла.

М. Д. | Црнобело