Нов тренд на шминкање со привремени тетоважи

Многу е тешко да ја усовршите техниката на мачкино око - една мала грешка и изгледате како моливчето за очи да ве нападнало. Ви требаат добри 10 минути да исцртате едно око, а ако во тој момент малку се помрднете, ќе изгледате како вистинско „ремек дело“. 

И, како тоа да не е доволно, професионалните шминкери, секогаш успеваат да измислат нешто ново и да ни постават нови стандарди за убавина, кои изгледаат неодоливо, но истовремено и премногу тешки за изведување.

За време на летниот период полн со фестивали и концерти, познатата шминкерка Џина Фреи ни покажува како да создадеме уметност со шминка на нашите очи.

Таа кажува неколку чекори како да го постигнете овој изглед.

Најпрвин треба да имате чиста и матирана основа на очите. Доколку не сакате да бидете нападни, потрудете се да користите барем некоја посветла подлога за очите, а не безбојна.

Тетоважите таа ги купува од различни места по вкус. Исечете го со ножици делот кој сакате да го залепи на очите и притискајте силно на капаците или од страните, зависно од тоа каде точно сакате да стои тетоважата.

Со памукче натопено во вода, полека и внимателно, со кружни движења притискајте врз тетоважата за да се залепи цврсто. Сами ќе почуствувате кога тетоважата е готова и кога може да ја одлепите хартијата.

Во текот на процесот потрудете се да бидете целосно релаксирани и да не мрдате, за да се задржи првичната форма на тетоважата.

А. В. | Црнобело