6 чекори со кои стапалата ќе ви бидат негувани преку цела година

Стапалата минуваат низ сериозно голем притисок секојдневно. Затоа, покрај сите неудобни чевли и часови стоење, заслужуваат и третмани за негување.

Тоа не значи дека секоја недела треба да одите на педикир. Но, истиот можете да го правите дома.

6 важни чекори и правила со кои стапалата ќе ви бидат негувани преку целата година и нема потреба од посебни подготовки пред да облечете сандали.

Стапалата секогаш треба да бидат суви

Сите знаеме дека влажната средина е идеална за развивање на габични инфекции, па затоа трудете се стапалата да се секогаш суви.

Не носете едни исти обувки повеќе дена по ред, купувајте чевли од природни материјали и добро бришете ги нозете после туширањето.

Сечете ги ноктите правилно

Неправилно исечените нокти може да направат сериозни компликации. Затоа, држете се до правилото дека ноктите се сечат рамни, не заоблени. Не ги сечете и отстранувајте кутикулите, туку само нежно поттурнете ги кон крајот на ноктот со специјална алатка.

Чистете ги ноктите и стапалата правилно

Направете купка во топла вода од 15-20 минути. Додадете 1 лажичка сол во 1 литар вода. Повторувајте го овој процес еднаш неделно, бидејќи тој е одличен за чистење на сите потенцијални опасности. Плус, по секоја купка, чистете ги ноктите со конец за заби.

Еднаш неделно правете домашен третман

Потопете ги нозете во вода во која претходно сте додале 5 лажички сода бикарбона, малку гел за туширање и неколку капки есенцијално масло. За бебешки мека кожа истријте ги стапалата со камен или турпија по третманот.

Нанесувајте крема

Секој ден, буквално. Најдобро е да користите мрсни креми и балсами кои имаат глицерин во нив. Само запаметете, никогаш не ставајте крема меѓу прстите, тоа може да предизвика создавање габични инфекции.

Масирајте ги стапалата

Масажите ја подобруваат циркулацијата, што е здраво. Купете си топче со пластични боцки како на сликата или најдете обично тениско топче и со нив правете масажа на долниот дел од стапалото.

М. Д. | Црнобело