Совршена жена - Софија Лорен на 82 години изгледа прекрасно (фото)

Софија Лорен е една од ретките познати личност кои не ги кријат годините, а нема ни причина за тоа. Познатата актерка во септември оваа година ќе полни 83 години, но и покрај тоа нема намера да се повлече од јавноста.

Холивудската дива сé уште работи на модни кампањи и реклами за светски познати брендови. Во 2014-тата, Софија беше заштитно лице на компанијата за накит „Damiani“ кои направија колекција накит во нејзина чест.

Следната година, дизајнерското дуо Долче и Габана ја ангажираа да претставува кармин од нивната колекција на шминка. Софија Лорен често можеме да ја видиме на разни настани каде секогаш изгледа беспрекорно и гламурозно.

Ова се тајните на нејзиниот изглед кои таа ги сподели со јавноста:

Денот ѝ почнува во 5 часот наутро. Вежба, појадува и оди на прошетка.

Секој ден пие 8 чаши вода, консумира маслиново масло не само во храната, туку и како дел од маски за нега на кожата, а го додава и во топла купка и лицето го мие со коцки мраз.

За да ја одржи виталноста и одличната фигура, актерката пешачи и се придржува кон здрава исхрана.

Освен беспрекорниот изглед, Софија Лорен е позната по нејзината одмереност и женственост во сите животни ситуации.

Оваа харизматична актерка смета дека младоликоста се должи на три главни особини: креативност, интелект и талент. Верува дека секој си има сопствено гледиште за убавината, но дека сите треба да се фокусираат на поважни нешта. Најмногу сака да чита книги и да ги гледа филмовите од нејзините почетоци.

Софија Лорен е вистинска стилска икона и жена од која може многу да се научи за и изгледот, и за харизмата и духот.

М. В. | Црнобело