Не им верувајте на блогерките: Опасни трикови за убавина кои не смее да ги пробате

Црвен кармин како средство за прикривање на подочниците, домашни фластери за митесери од сода бикарбона, чашка за ракија како алатка за „пумпање“ на усните...

Нема што не сме виделе на интернет, кога се козметиката од домашната кујна и триковите за разубавување во прашање. Но, тоа не значи дека сѐ треба и да испробаме дома.

По правило, пожелно е да се избегнува сѐ што изгледа опасно и се коси со здравиот разум.

На крајот на краиштата, не се исплати да си ја повредите кожата и започнете ера на нови проблеми на лицето, само поради туторијалот што одредена блогерка го снимила, со намера да предизвика реакции.

Harper's Bazaar направи листа на трикови од социјалните мрежи, кои никако не би смееле да ги испробате, а ние се сложуваме со нивниот избор:

1. Лимон + сода бикарбона = средство за избелување на пазувите

Оваа комбинација е опасна, бидејќи може да ја изгори кожата и предизвика грозни иритации, особено на нежното подрачје под рацете, кое често се депилира. Избегнувајте ја по секоја цена!

2. Лак за нокти како средство за лечење херпес на усните

Усните се осетливи и толку близу до усната шуплина, што нанесувањето лак за нокти, полн со штетни хемикалии, никако не е добра идеја. Покрај тоа, кога лакот премногу ќе го исуши херпесот, би можело да дојде до трајна лузна на усните, а тоа не го сакате, зар не?

3. Дезодоранс во стик како подлога за шминка

Зошто би користеле мирислив стик кој ќе ви ја исуши кожата на лицето, а многу веројатно ќе предизвика и црвенило, како и затворање на порите, кога постојат ефикасни „прајмери“ за лице, кои и не се така скапи? Плус тоа – навистина ли сакате лицето и пазувите да ви мирисаат исто?

4. Васаби паста на мозолчињата

Влогерката Farah Dhukai  ги воодушеви своите фанови, кога објави дека користи васаби паста за мозолчиња. Farah тврди дека благодарение на овој прехранбен производ од азиската кујна, акните и мозолчињата исчезнуваат како да се избришани со магично стапче, што посебно го налути докторот Gohar, со кого разговараше екипата на Harper's Bazaar:

„Сакам докази, покажи ми докази. Васаби не содржи ниту една состојка која ги смалува воспалителните процеси! Покрај тоа, може да го изгори лицето и опасно да ги изиритира очите.“

5. Истиснување на митесери со конец за чистење заби

Во секој случај, истиснувањето на митесерите е незгодна работа, бидејќи во процесот на чистење, лесно може да се повреди и олупи кожата на носот со ноктите. Повлекувањето на забниот конец долж површината на носот, ќе отстрани и слој на кожа, што никако не може да биде добра работа.

М. А. | Црнобело