Викторија Бекам со колекција на шминка инспирирана од светските метрополи

Модната дизајнерка Викторија Бекам докажа дека успешно се снаоѓа и во светот на убавината.

Нејзината втора колекција на шминка во соработка со козметичкиот гигант Есте Лаудер ќе излезе на 1-ви септември оваа година. Колекцијата, меѓу другите производи за шминкање, содржи и нова палета на сенки во живописни бои и три класични нијанси на кармини.

Бекам се инспирирала од пет светски метрополи, Лондон, Париз, Њујорк, Лос Анџелес и Мајами, па за секој град има посебен изглед кој го креирала модната дизајнерка. Производите кои се основа за шминкање се ставени под името „Signature Look“.

„Овие производи ќе го доловат ефектот како да сте пред камери. Моето долгогодишно искуство на сцената ми помогна да го креирам овој изглед кој содржи основни производи за шминкање“, објаснува Викторија.

Погледнете ги останатите козметички производи од колекцијата, групирани според градовите:

London Look

Paris Look

L.A. Look

Miami Look

New York Look

М. В. | Црнобело