Трикови за убавина заради кои ѕвездите изгледаат беспрекорно

Сте забележале ли дека славните личности стануваат уште поубави како што стареат?

Секако дека во младоста изгледале прекрасно, но професионалците кои сега се грижат за нивната убавина, прават тие да блескаат без разлика на возраста.

Еден од нив е козметичарот Харолд Лансер кој работи со познатите убавици како Викторија Бекам, Џенифер Лопез, Ким Кардашијан, Бијонсе и Скарлет Јохансон.

Дознајте кои се тајните и триковите кои тој ги практикува за да направи ѕвездите да изгледаат беспрекорно и применете некој од нив:

Не ги стискајте забите

Според Лансер, изразот на лицето е главната причина за појава на брчки. Многу луѓе прават различни фаци дури и кога не зборуваат. Некои луѓе имаат навики како стискање на забите навечер при спиење, или стискање на усните кога се сликаат.

За да го минимизирате непосакуваното појавување на брчки на лицето, контролирајте ги овие навики и избегнувајте ги.

Нанесувајте крема за лице 60 секунди по миењето

Докторот препорачува нанесување на крема веднаш по миењето. Благодарение на ова, влажноста ќе остане помеѓу кремата и кожата, а ако почекате повеќе од 1 минута по миењето, влажноста ќе испари и кожата ќе почне да се суши.

Не пијте алкохолни пијалаци ден пред депилација

Вреди да се откажете од кој било алкохол барем еден ден пред закажаниот термин за депилација. Дури и минимална количина на алкохол може значително да го намали ефектот на отстранувањето влакна и да го направи поболен.

Намокрете ја косата пред да се бањате

Пред да влезете во базен или море, намокрете ја косата со обична вода за да ја заштитите од непосакуваните ефекти на хемикалиите во базените или од солта во водата.

Не користете памук за нанесување шминка

Ако нанесувате пудра со раце, повеќе ќе заштедите и нема да ви се впива вишокот во памукот и плус подобро ќе го нагласите ефектот.

Користете подлога за шминката

Прајмерот ќе го спречи сушењето на кожата, а масната кожа ќе ги заштити порите од навлегување честички од кремата во нив и со тоа ќе се намали ризикот за акни.

Бричете се на сува кожа

Многумина бричењето го прават додека се тушираат и додека кожата е мокра, но ефектот ќе биде подобар ако прво направите пилинг и ја исушите целосно кожата.

Откако ќе завршите со бричењето, задолжително нанесете крема. Со овој метод ќе го избегнете проблемот на внатрешни влакненца и иритација на кожата.

Мијте ги забите пред појадокот

Во текот на ноќта, голем број на бактерии се собираат во усната празнина. Ако стекнете навика забите секогаш да ги миете пред првиот оброк, а не по него, нема да ги „изедете“ сите овие бактерии со појадокот.

Според докторот, кожата на неговите пациенти кои се придржуваат до ова правило изгледа подобро споредено со кожата на оние кои го оставаат миењето за подоцна.

Користете вода со собна температура

Обидете се да се бањате, миете и да пиете вода која не е многу ладна. Претерано ладната или топлата вода ќе ја дехидрира кожата на лицето, што ќе предизвика сушење. Водата на собна температура е оптимална за кожата.

Не користете пудра со фактор

Ако редовно ставате крема за сончање, или вашата дневна крема содржи фактор, тогаш нема потреба да купувате и пудра со заштита од сонце. Тој ќе ја направи текстурата на пудрата погуста и тоа е дополнителен товар за кожата.

М. М. | Црнобело