8 правила за нега на кожата по кои се водат и самите дерматолози

Кога одиме на козметичар или дерматолог, секогаш сакаме да ги дознаеме нивните тајни. Кои средства за нега на кожата ги користат, кои маски ги преферираат и воопшто што треба да се направи за да кожата на лицето ни биде свежа и сјајна?

Ова се 8 тајни кои вашиот козметичар ги крие од вас, а лесно може да ги постигнете и дома:

Нежно чистење

Внимателното чистење без користење на агресивни агенси е една од главните тајни на дерматолозите. Одберете производ којшто содржи масни состојки, тие овозможуваат да се одржи влагата во кожата. 

Наесен и во зимскиот период, подобро е да се користи млеко и гел за миење на лицето и тоници без алкохол и киселини.

Колку крем ми е потребно?

Повеќе е подобро - се користи редовно како изрека од дерматолозите. Ставање на доволна количина на средство за сончање е важно за да ја одржите кожата млада. 

Одберете доза - половина кафена лажичка, оваа количина е доволна за да го нанесете производот во два слоја.

Термална вода за сува кожа

За да ја задржат еластичноста на кожата, дерматолозите користат аеросол со термална вода, којашто содржи бакар, железо, натриум и калциум. Водата е полна со минерални комплекси, вклучувајки и селен, којшто штити од ултравиолетовото зрачење.

Помалку е подобро

Купувајте помали пакувања. Со истекувањето на ракот на траење корисните состојки на козметичкиот производ слабеат, а активните состојки не го даваат посакуваниот магичен резултат.

Правилно позиционирање

Наведнување на главата надолу ја подобрува циркулацијата на крвта, а зголемувањето на внесот на кислород ѝ дава сјај на кожата. Редовните јога вежби, исто така, ги намалуваат воспалителните процеси и го намалуваат стресот.

Правилни чаршафи

Брчките се појавуваат и додека спиете. Ова зависи од материјалот од којшто е изработена навлаката на перницата. Свилените навлаки не се туткаат и не дозволуваат да се прават брчки на лицето бидејќи кожата се лизга по нив.

 

Комплексната нега е поефективна

Кремот за сончање и антиоксидантите е најдобро да се користат наутро. 

Ретиноидите (креми базирани на витамин А, коишто се борат со брчките, рапавоста на кожата и пигментираните дамки) и пептидите (за чувствителна кожа) се користат навечер. Оваа комбинација најдобро функционира во парови.

Есенска заштита

Наесен кремите треба да бидат погусти и да се избегнуваат кремови со гел-структура. Составот треба да биде хијалуронска киселина, витамини Ц и Е, масни состојки, алое. Внимателно ексфолирајте го најгорниот дел од епидермисот на кожата којшто се формира за време на летото (а содржи главно мртви клетки). 

Аминокиселините помагаат во ова, исто така и органските масла (кајсија, слива, шеа, манго).

 

(О)Милена | Црнобело