Еден трик како да се збогувате со масната коса засекогаш

Многу жени во светот имаат масна коса и сметаат дека треба да ја измијат со шампон веднаш кога ќе им се појават видливите знаци на мастење.

Фризерот, експерт во својата област, кој се грижи и за изгледот на косата на многу познати дами, Пол Винди, открива дека решението за ваквиот проблем е доста едноставно.

Според него, најголема грешка која се прави при миењето на косата е нанесувањето премногу шампон и недоволното плакнење.

Така, тој препорачува да се користи мала количина шампон, да се шампонира косата двапати во текот на миењето и внимателно и темелно да се исплакне.

Винди препорачува при нанесување на шампонот, кој секако, е соодветен за вашата коса, да нанесете во коренот и да го измасирате скалпот, па потоа да ја нанесете направената пена по должината на косата. По неколкуминутната масажа ја плакнете косата со вода, внимавајќи да не остане ни најмала трага од шампонот.

С. У. | Црнобело