3 часа пред спиење: Што да правите за кога ќе се разбудите наутро да изгледате совршено?

Дури и моделите и познатите убавици признаваат дека кога ќе се разбудат, не се баш во такво издание како кога сите им се восхитуваме.

Ова ни е добро познато на сите кои посакуваме секое утро да се будиме и никогаш да не се „плашиме“ од изразот кој ќе го видиме во огледалото.

Секако, како и за сè останато, постои начин и за да го постигнете тоа, само треба да следите неколку совети секојдневно.

Запомнете ги следниве:

3 часа пред спиење:

За да не се разбудите со потечени очи и подочници, не пијте многу течности и избегнувајте солена храна навечер.

За вечера, јадете храна со високо ниво на протеин и ниско ниво на шеќер. Избегнувајте ориз, компир и паста – заради јаглехидратите, нашата кожа може да се опушти.

Рибата, зеленчукот и овошјето се одличен избор за вечера, 3 часа пред спиење.

1 час пред спиење:

Проветрете ја спалната, бидејќи во просторијата во која спиете треба да има пријатно ниво на свежина и ниска температура.

Разбудете се со тонирано лице. Измешајте малку витаминска пудра со ноќната крем и нанесете на лицето и на вратот.

Кога ќе се разбудите ќе изгледате посвежо, но овој трик не е неопходен, туку само за оние на кои им пречи бледото лице.

20 минути пред спиење:

Нанесете ноќна хранлива крем за лице, за да има доволно време состојките да се впијат во кожата, а не тие да останат на перницата.

5 минути пред спиење:

Исчешлајте ја косата. Ако имате многу долга коса, фатете ја во нежна плетенка. Кога ќе се разбудите ќе имате убав волумен, нежни бранови, но ќе изгледате прекрасно.

За спиењето:

Внимавајте на позата во која спиете. Не го лепете лицето за перницата за да не ви се „деформира“ и да не се разбудите потечени или со линии на едната страна.

Пробајте да спиете со трака за очи. Така ќе потонете во подлабок сон и нема да ве вознемирува светлината, а ќе се разбудите свежи и одморени.

M. M. | Црнобело