Топ 5 женски цветни парфеми за оваа пролет

Иако е само февруари, пролетта како да се чувствува полека во воздухот, а тоа значи дека е време за лесни, суптилни, мирисни ноти кои ќе се помешаат со почетокот на првата годишна сезона.

Кој не обожава цветни парфеми? Оваа пролет замирисајте на божур, момина солза, јасмин и тубероза дополнети со цитрусни ноти и ванила.

Кој е вашиот омилен пролетен цветен парфем?

Gucci Bloom

Опишан како прекрасен, класичен, софистициран и привлечен, новиот парфем на Гучи е како создаден за пролет – силна арома на јасмин и тубероза која по првото нанесување завршува сосема пријатно и нежно.

Tom Ford’s Vanille Fatale

Вистински сочен секси парфем како создаден за Денот на вљубените, чија срцевина е ванилата од Мадагаскар која одлично се меша со раскошната арома на махагони, нарциси и франгипани. 

Calvin Klein Eternity

Овој романтичен цветен парфем со свежи цитрусни и ноти на зеленило, продлабочен со суптилен мирис на момина солза ќе го сакаат сите жени кои сакаат чисти отсечни мириси.

Victoria’s Secret Bombshell

Свеж и истовремено сладок, најновиот цветно-овошен парфем на Викторија Сикрет во себе содржи ноти на божур и ванила и е создаден за жени со став кои не се плашат од внимание.

Escada Fiesta Carioca

Парфемите на Ескада со себе носат слобода и леснотија на движење, а Фиеста Кариока не е никаков исклучок со нотите на маракуја и малина, помешани со цвет од портокал и јасмин.

(О)Милена | Црнобело