Бои за коса кои ќе ве направат помлади за 10 години

Кога ниту една крема против брчки не е доволно добра да избрише неколку години од нашето лице, тогаш е време да направиме едноставни промени на себе, на пример при изборот на шминка, начин на облекување, но секако и при изборот на боја на коса.

Кога е во прашање бојата за коса, многу често подмладувањето зависи и од правилно избраната нијанса.

Ова дефинитивно не може да направи магија и да нè врати во тинејџерските денови, но едно е сигурно – добро избраните тонови можат со сигурност да избришат неколку години од нашето лице.

Погледнете неколку предлози за стилизирање на бојата, со чија помош загарантирано ќе се подмладите:

Прамени во нијанса на карамел

Одличен избор за бринети кои сакаат да сменат нешто на себе, но тоа да не биде премногу воочливо. Карамелните тонови го омекнуваат изразот на лицето и даваат нова димензија на бујност на косата.

Без разлика дали ќе одберете едноставно извлекување на прамени или пак некоја од техниките на сенчење, ефектот на подмладување е неизбежен.

Златесто-руса нијанса

Светла руса коса во нијансите познати како руса јагода или златна диња се одличен избор за оние со безживотна пепеласта коса. Со додавање на овие богати нијанси на руса коса, придонесувате вашата појава да зрачи со младост и самоувереност.

Сепак, имајте на ум дека оваа нијанса бара редовно одржување на фризер на секои 4-6 седмици.

Сончево сомбре

Техника за сенчење што потсетува на омбре и балајаж, во која косата се бои така што некои прамени само малку двојат од природната боја, а пак кај други е поизразен контрастот. Токму ваквиот начин на осветлувањето, но и самиот  контраст ќе придонесат да изгледате неколку години помлади.

Избегнувајте монотоно бојадисување на косата и концентрирајте се на осветлување и нијансирање – на овој начин вашето лице ќе блеска.

Шампањ-розова

Русокоса со пастелна нијанса на розова, боја која што е подеднакво популарна и кај тинејџерки, но и кај жени. Многу познати дами се согласуваат дека ненападната розова нијанса го штити и зачувува младиот дух кај девојките.

Доколку имате светла коса, можете да користите розов прелив за коса и во домашни услови. Користете прелив или тониран шампон на секое миење на косата.

Темна основа со интензивни руси прамени (позната уште како „broomstick“ руса)

Изберете топла нијанса на русата боја за коса. Основата треба да биде за нијанса потемна од вашата природна боја, а нијансирањето е слично како балајаж. Негувајте ја косата со тонирачки шампон.

С. У. | Црнобело