Што открива за вас парфемот кој го користите?

Како што ја бираме облеката, чевлите и модните додатоци да одговараат на нашиот стил и карактер, така и парфемите можат многу да откријат за тоа каква личност всушност сме.

Кога ќе го пронајдеме вистинскиот парфем, тој едноставно станува дел од нас, заштитен и препознатлив знак, мирисна нота по која што сите не препознаваат.

Па така, колку што има категории на мирисни ноти, толку истите зборуваат за карактерот на личноста која ги носи.

Цветни парфеми

Ова е најстарата парфемска мирисна група. Речиси секоја жена ужива да мириса на пролетен букет цвеќе. Овие парфеми отсликуваат живост и женственост, но и смиреност, а во исто време и истакнување.

Личностите кои сакаат цветен парфем се комуникативни, љубопитни и оптимисти, а во исто време тврдоглави и романтични.

Предлози: „Bamboo“ на Gucci или „Flower Bomb“ на „ictor and Ralf

Ориентални парфеми

Личностите кои уживаат во ориенталните мирисни ноти зрачат со одважност, таинственост и сензуалност.

Ваквите мириси ги бираат оние кои сакаат да бидат забележани, кои обожаваат флерт, а имаат длабок и испреплетен карактер кој ретко ги остава другите рамнодушни.

Предлози: „Opium“ на Yves Saint Laurent и „Shalimar“ на Guerlain

Цитрусни парфеми

Жените кои ги носат овие мириси се амбициозни, лидери, а во исто време и вистински пријатели, лежерни и не се плашат од промени.

Иницијативите и предизвиците се секогаш во нивни раце, како и потребните промени што треба да се направат за да се дојде до решение на некој проблем.

Предлози: „Cool Water“ на Davidoff и „Aqua Allegoria Lemon Fresca“ на Guerlain

Ароматично-зачински парфеми

Креативни, сакаат необични нешта, амбициозни, великодушни, но и љубители на природата - вака може да се карактеризираат девојките кои ги закаат наметливите зачински ароми.

Во љубовта најважно им е да се зачува слободата која ја имаат како личност.

Предлози: „Alien“ и Angel Muse на Thierry Mugler

С. У. | Црнобело