Розово-кафеава: Хит нијанса за атрактивни бринети (фото)

Ако не сте природна блондинка, или, пак, не сакате драматично да ја осветлите косата за да ги постигнете нежните розеникави тонови, тогаш новиот пролетен тренд е како создаден за вас.

Розовата нијанса на коса се носи веќе неколку години. Не ѝ одолеаа ниту славните дами, а ни познатите инфлуенсерки и кралици на социјалните мрежи.

Девојките со посветла коса со задоволство ги прифатија трендовите „Rose Gold“ и „Blorange“, односно комбинацијата на розеникави тонови на руса и портокалова основа. Неодамна пишувавме и за коса со боја на розова лимонада.

А, што е со бринетите? И дамите со природна или темно бојадисана коса може да внесат розова магија во имиџот за претстојната пролет, без целосно бланширање, туку со минимално осветлување.

View this post on Instagram

A post shared by Rich Tran (@ultrafadebyrich)

Следните месеци ќе бидат во знакот на кафеавата коса со пастелни розови акценти. Во фризерските кругови е позната како „Rose Brown“, а називот го има наследено од својата претходничка. Таа е фенси и секси, па е вистински избор за атрактивните бринети.

Се разбира, не станува збор за само една боја, туку за цела палета на розово-кафеави тонови, кои варираат од бакарни до темновиолетови нијанси. Оттука, мошне лесно е да ја пронајдете онаа што најдобро ви ласка на тенот.

Покрај тоа што интересно изгледа, ваквата палета ја акцентира убавината на жените, па нема сомнеж дека ќе ги освои како нивните, така и машките срца. Многубројните лајкови што веќе ги доби на социјалните мрежи, пак, претставуваат дополнителна потврда дека ќе ја обележи новата сезона.

Нам премногу ни се допаѓа. Што велите вие?

Погледнете дел од предлозите на Instagram и Pinterest, кадешто кафеавата и розовата се слеваат на совршен начин:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

M. A. | Црнобело