Споделуваме искуства: „Какви промени ми се случија откако го чистам лицето со мед?“

Лорен Шумакер e млада жена која целиот живот имала проблеми со кожата и барала начин како да ја подобри ситуацијата.

Лорен открива дека по низа експерименти започнала да го мие лицето со мед и имала неверојатни резултати од тоа.

Зошто се одлучив на овој чекор?

„Долго време ме мачи мојата чувствителна кожа и кога прочитав на еден блог дека медот одлично влијае на кожата, веднаш појдов во супермаркет и купив една тегла.

Мојата кожа е нежна и лесно се иритира. Потребно ѝ е хидратација затоа што многу се суши, а почнаа и интензивно да ми се појавуваат брчки.

Што се случи по 6 месеци чистење на моето лице со мед?

По само 6 месеци чистење на лицето со мед забележав промена. Кога го чистите лицето со мед прво го навлажнувате, па нежно го масирате, плакнете добро (инаку ќе лепите) и ставате крема за навлажнување или што следи наредно во вашата рутина за разубавување.

Зошто медот е добар за кожата?

Медот е богат со хранливи состојки и има природно антибактериско дејство, па така е одличен за чувствителна кожа, склона кон акни. Ги намалува црвенилото и воспаленијата.

Многу козметички средства по користењето прават да си ја чувствувате кожата затегната, но медот не го прави тоа, а ја храни. Кожата наскоро ми беше свежа и чиста.

Веќе со години го чистам лицето со мед и повеќе немам акни и црвенило, ми се изедначи дури и тонот на кожата. Кожата ми е хидратирана, а мислам дека дури и порите ми се намалија.

Но, една козметичарка ме советуваше дека медот не е соодветна замена за млекото за чистење на лице, туку дека е подобро да го користам само како маска за лице бидејќи кога го користите за чистење, кожата нема доволно време да го апсорбира и да ги искористи придобивките од него.

Наместо тоа, таа ми препорача на чисто лице да нанесувам тенок слој на мешавина од мед и малку масло од арган и да оставам да отстои како маска.

Сепак, јас ја задржав мојата практика на влажно лице да ставам мед и нежно да тријам затоа што имам одлични резултати.

Ова е природен и евтин начин за негата на кожата. Дефинитивно, секому го препорачувам.“

Уште една реална приказна за подобрување на вашето здравје со природни лекови прочитајте ТУКА!

С. С. | Црнобело