Зелена - бојата на вербата и рамнотежата

Боите имаат големо влијание врз тоа како се чувствуваме, исто како што и моменталното расположение влијае какви бои би избрале. Околу карактерот и боите се пишувало многу, а она што е сигурно е дека нивните фреквенции можат во нас да пробудат мир, спокојство и среќа, но и агресија или глад.

Зелената е боја која во овој период не опкружува природно, благодарение на зелените дрвја, цвеќињата, тревата и грмушките. Освен што го симболизира будењето на природата, исто така ја балансира и енергијата кај луѓето, но и ја поттикнува нивната верба дека нештата ќе бидат подобри.

Оваа боја е комбинација на две основни: сината која носи спокој и жолтата која во себе носи енергичност, што значи зелената може да ни дава и мир и возбудување во истото време. Токму поради ова пролетта е симбол на будење, акција, среќа, отвореност и смиреност.

Знаејќи го ова, обидете се да ја најдете вашата омилена нијанса на зелена, па користете ја како дополнување на вашиот личен стил, во форма на облека или моден додаток.

Доколку сакате да внесете енергија и истовремено и смиреност во домот, набавете дел од мебел со таа боја, плочки за во кујна, прекривка за во спалната соба или едноставни детали како перничиња и мали теписи.

Дополнете со собни растенија и вазна со цвеќе. Создадете своја оаза, заштитен зелен меур во кој гарантирано ќе се чувствувате среќни, расположени и обновени.

За да се чувствувате полни со енергија и одморени, внесувајте и зелена храна. Комбинирајте салати, супи, прилози на главното јадење, но и зелени природни сокови, смути или овошна салата која содржи зелено овошје.

С. У. | Црнобело