Водич како да изберете сенка која најдобро ќе ја истакне бојата на вашите очи

Доколку сте љубители на храбар и по малку ексцентричен изглед, тогаш доволно е само да ја погодите вистинската нијанса на бојата на сенка која ви се допаѓа. 

Сепак, доколку сакате безбеден, но ефективен изглед, тогаш следете ги нашите совети за тоа како правилно да ја изберете сенката која ќе ја истакне бојата на вашите очи.

Бојата на нашите очи е предодредена првично од гените, но и од количината на меланинот распоредена во ирисот. Спектарот на бои на нашите очи е доста широк, од топла кафеава до сиво-сина.

Шминкерката Ерин Гут открива кои бои на сенки најмногу одговараат на одредени бои на очи:

Зелени очи

Користете златно-светкави сенки, виолетова сенка во нијанси како модра слива, светло пурпурна или боја на црно вино за истакнување на зелените очи. 

Црната сенка, исто така, е одличен начин да го привлечете вниманието на своите зелени очи, сепак не заборавајте да ја нанесете умерено, без претерување.

Сини очи

Оваа боја најлесно се истакнува со топли бои како што се портокалова, нијанса на праска, розова со портокалов тон и бронзена нијанса.

Иако на момент ви изгледало како совршена комбинација, Ерин открива дека светло сините сенки и моливчиња многу помалаку им прилегаат на луѓето со впечатливо сини очи.

Сиви очи

Користете кафеави, розови и темноцрвени сенки очи, за да ги нагласите вашите сивкасти очи. Како и да е, внимавајте со розовите и темноцрвените нијанси, тие не се до толку неутрални за да можете лесно да ги комбинирате со гардеробата која што ја носите на себе.

Очи со боја на лешник

Одберете светли нијанси на виолетовата боја. Можете дури да користите и „дреч“ варијанти на виолетова со црвен тон во себе. Обидете се нанесувањето на посветли кон потемни тонови да оди соодветно, во насока однатре-нанадвор.

Светли кафеави очи

Комбинирајте и нијансирајте со беж, златна, жолта и мат маслинесто-зелена нијанса на сенка за очи. Овие бои го отвораат окото, но сепак треба да дозволите премногу да блескате.

Темно кафеави очи

Идеална комбинација која ја нагласува длабочината на погледот е виолетова и златна. Користете ги една по една или пак и двете заедно, нијансирани една со друга.

Сепак, темнокафеавите очи можете совршено да ги истакнете и со нијансирање на сиви тонови. Завршетоците можете да ги потенцирате со течен туш во црна боја.

С. У. | Црнобело