Холивудски дерматолог открива неколку правила за негувана кожа

Харолд Ленсер е холивудски дерматолог кој во својата биографија може да наведе дека се грижел за кожата и тенот на многу славни ѕвезди меѓу кои и Викторија Бекам и Бијонсе.

Тој открива како луѓето сами можат да си помогнат за нивната кожа да изгледа блескаво и негувано и тоа со менување на само неколку секојдневни навики.

Прочитајте дел од неговите совети кои ќе ве натераат до одреден степен да направите промени во својата дневна рутина:

Врелата вода ја суши кожата. Мијте го лицето само со млака вода.

Навлаката за перница лесно се валка, особено поради остатоци од првут, влакна и епителни клетки. Менувајте ја барем двапати во неделата и перете ја со нежен детергент.

Намалете го внесувањето на шеќер и сол. Вишокот се исфрла од телото и во процесот на потење, па може да доведе до појава на акни.

Избегнувајте да го допирате вашето лице, затоа што може да ви се појават митесери.

Бришете го мобилниот телефон со антибактериски марамчиња или со памук и алкохол, за да избегнете префрлање нечистотии врз лицето.

Користете ја краставицата редовно - и како производ во исхраната и како маска за лице, исечена на тенки кругови.

Хидратацијата е клучна - пијте доволно вода.

Имајте редовен сон. Во текот на спиењето се стимулира создавањето на колаген.

С. У. | Црнобело