Подгответе ги нозете за пролетни фустани во 4 чекори

Секоја жена сонуваше за овие температури кога конечно ќе може да ги носи пролетните фустани, но тоа создаде и еден проблем – како бледите нозе да изгледаат привлечно преку ноќ?

Во 4 брзи чекори ви помагаме повеќе да не ги криете нозете:

Чекор број 1

За да ја поттикнете циркулацијата и да ги сокриете трагите на сува кожа, направете пилинг од кафе. Благодарение на него ќе се ослободите од мртвите клетки и сите траги од зимата.

За природен домашен пилинг ви треба 1 шолја талог од кафе, половина шолја кокосово масло и неколку капки масло од рузмарин или портокал.

Чекор број 2

За да бидете сигурни дека нозете ќе ви бидат свиленкасто мазни, одберете го најбезбедниот начин на депилација кој не ви остава траги, рани и исеченици.

Чекор број 3

Хидратација и сјај. Посебно по депилацијата, треба да нанесете бадемово или кокосово масло. Буквално ќе сјаат!

Чекор број 4

Доколку сакате да го маскирате бледиот тен и малку да ги скриете сите лузни и белези, послужете се со спреј за самопотемнување. Доколку не сте вешти и се плашите од флеки, користете бронзер за сончан изглед.

М. Д. | Црнобело