Има само една пластична операција: Дали таа е најсекси баба во светот? (фото)

Со своите 47 години, самохраната мајка, но и баба, повеќе наликува како да е на прагот од триесеттите. Стана финалистка на избор за убавина, каде се натпреварува со двојно помлади конкурентки. Која е тајната на нејзиниот добар изглед?

Џина Стјуарт (47) е на само чекор од остварување на големиот сон - да биде крунисана со титулата Miss Maxim Australia за 2018-та година.

Наспроти фактот што има четири деца, таа изгледа сензационално за годините. Во моментот, на социјалната мрежа Инстаграм ја следат повеќе од 60 илјади корисници. Странските медиуми, пак, веќе ја прогласија за „најсекси баба во светот“.

Нејзиниот профил изобилува со провокативни фотографии.

Но, покрај објавувањето слики, Џина се занимава и со 10-месечната внука, како и децата, од кои најмалото има четири години. Останатите три ѝ се на возраст од 23, 25 и 27 години. Мајка е на два сина и две ќерки.

Со младешкиот изглед и фигурата, Стјуарт може да им парира на светските топ модели. Сепак, русокосата дама тврди дека направила само една пластична операција, кога пред десетина години ги зголемила градите по хируршки пат. Во интервјуто за Daily Mail Australia, таа скоро изјави:

„Не применувам ботокс, ниту филери, затоа што верувам дека секој човек треба достоинствено да старее.“

Тогаш, кој е тајниот рецепт на убавицата?

Австралијката истакнува дека не е љубител на козметиката со хемикалии, па претежно употребува органски продукти. Пие алкална минерална вода, за нега на косата и кожата користи масла од шипка и кокос, а дури и дезодорансите ѝ се на природна база.

„Навистина не постојат тајни. Мојот став е дека сите луѓе се прекрасни. Не сакам претерано внимание, така што не ги споделувам фотографиите поради тоа. Само сакам да направам нешто со кое ќе ги инспирирам и другите жени, да не се осудуваат меѓусебно, затоа што животот е прекраток. Прифатете ги своите години и облини. Тоа уште никого не го убило.“.

Џина се надева дека ќе победи на изборот во организација на магазинот Maxim, а со наградата од 10.000 долари, планира да ѝ помогне на пријателката, која неодамна имала мозочен удар.

„Луѓето кои никогаш не се откажуваат ми се најголема инспирација. Имаат сила да продолжат понатаму и се позитивни, иако минуваат низ тешки времиња.“

Во очекување на исходoт од гласањето, како вие би го оцениле изгледот на сексапилната баба? Погледнете уште дел од нејзините фотки на Инстаграм, пред да го донесете конечниот суд: 

• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело