Природни начини како да ја намалите видливоста на стриите

Стриите се вид на атрофија на кожата, која се јавува при нагло варирање на тежината или пак бременост.

Иако овој естетски проблем е речиси невозможно да се отстрани во целост, видливоста на стриите може да ја намалите со помош на природни состојки.

Компир

Исечете еден компир на парчиња, па со секое парче тријте ги критичните места. Компирот ја избелува кожата и затоа помага да се намали нивната видливост.

Маслиново масло

Намачкајте маслиново масло на местата каде имате стрии и оставете го да делува половина час. Потоа исплакнете.

Шеќер

Пилингот со шеќер е едноставен, но ефикасен начин да ја намалите видливоста на стриите. Помешајте една лажица шеќер со малку сок од лимон или маслиново масло, па истријте ги местата каде најмногу се познаваат.

Алое вера

Гелот од алое вера ја регенерира кожата, па со негова редовна употреба стриите се помалку видливи.

Исто така може да направите и домашен лосион против стрии. Потребно ви е:

• ½ шолја маслиново масло
• ¼ шолја гел алое вера
• 4 капсули витамин Е
• 2 капсули витамин А
• Малку етерично масло по желба

Сите состојки измешајте ги во стаклен сад и ставете ги во фрижидер додека смесата не се стврдне. Нанесувајте двапати дневно на местата каде имате стрии.

М. Д. | Црнобело