Масажа со змии, птичји измет: Бизарни третмани за убавина кои ги применуваат и славните

Колку далеку сте подготвени да отидете во името на убавината? Дали овие чудни третмани се клучот за убавина? 

Факт е дека сите имаат некои свои чудни навики кои ги применуваат во секојдневната нега и грижа за своето тело, сите се служат со најразлични трикови за убавина со цел да изгледаат што поубаво и беспрекорно.

Но, некои луѓе одат до таа екстремност што користат пијавици во своите третмани за убавина.

Прочитајте какви чудни третмани применуваат луѓето низ светот, вклучувајќи  ги и славните личности:

Екстремен педикир

Како ви се допаѓа идејата рипките да се погрижат за негата на вашите стапала? Оваа идеја беше применета во практика во многу салони за разубавување и спа-центри каде што ги ставате нозе во аквариум полн со беззаби риби кои ги отстрануваат мртвите клетки од нозете.

Оваа идеја потекнува од Турција, а за првпат беше употребена во Јапонија. Денес, со новите регулативи, овие третмани се веќе забранети во многу места на светот.

Хирудотерапија – третман со пијавици

За лековитата моќ на пијавиците знаеле уште и во Антички Египет. Третманот со овие чудни ползавци дури има и свој медицински термин – хирудотерапија.

Иако нивната моќ да ја вшмукуваат крвта од вашето лице може да ве исплаши вас, со цел да ги отфрли гласините за пластични операции, Деми Мур откри дека ја применува токму оваа техника за која дознала кога била на снимање во Австрија.

Маска за коса направена од сперма на бик

Верувале или не, во Велика Британија постои маска за коса чија главна состојка е спермата од бик. Откако ќе се добие спермата од бикот, таа се меша со иранското растение катера и се добива маска за коса која се нуди во некои салони за убавина во Лондон.

Оваа маска се препорачува на сите оние кои имаат кршлива коса, а како резултат на употребата на оваа маска, вашата коса ќе биде цврста, здрава и сјајна.

Масажа со змии

Дали навистина можете да се опуштите и релаксирате при оваа масажа знаејќи дека змии ползат по вашиот грб? Луѓето кои ја практикуваат во Израел сметаат дека тоа е возможно и препорачливо.

За време на оваа масажа се поставуваат 6 змии врз вашиот грб, врат, нозе и лице и се верува дека ефектите се многу поволни и корицни за телото и умот и ослободување од стравовите, бидејќи се користат змии кои не се отровни.

Птичји измет

Според јапонската традиција се смета дека птичјиот измет содржи состојка која била клучна во третманот за убавина на гејшите. Како било откриено тоа не е познато, но научните анализи покажуваат дека птичјиот измет е богат со ензими кои делуваат прочистувачки на лицето.

Во Њујорк постои спа-центар кој ги применува техниките на јапонските третмани за убавина, а големи обожаватели на овие маски за лице се Викторија Бекам и Каролина Куркова.

Масажа со листови од кактус

Колку и да ви звучи болно оваа постапка на масажа со листови од кактус, всушност се работи за триење и масирање на кожата со кактусовите лисја на кои претходно им се отстранети бодликавите и остри боцки.

Овој третман е коплетно безболен и помага за хидратација на кожата.

Доколку ова е премногу за вас...

Во Венеција, хотелот Чипријани нуди еден поинаков вид на ста-третмани, односно вашата стандардна масажа од просторијата осветлена со свеќи и релаксирачка музика се префрла во традиционалното превозно средство – гондола.

Оваа масажа се одвива токму во традиционалната гондола додека се возите низ каналите уживајќи во убавините на градот, а единствениот проблем може да биде што и другите туристи ќе уживаат во погледот кон вас.

Б. К. | Црнобело