6 работи кои може да ги откриете за жената само според нејзината шминка

Покрај тоа што шминката прави девојките да изгледаат многу поубаво, може и да открие некои работи за неа и нејзината личност.

Колку и да звучи чудно, нашминканите девојки оставаат поинаков впечаток од ненашминканите, па другите на нив гледаат нешто повеќе од само шминка.

Доколку сакате да дознаете каков впечаток вие оставате или што открива шминката за карактерот на жената, прочитајте во продолжение.

Манифестација на интелектуални способности

Според некои истражувања на Харвард, докажано е дека жените кои ставаат шминка покажуваат поинтелектуални способности од останатите.

Научниците го објасниле ова со фактот дека жените кои се нашминкани, вообичаено:

• Се чувствуваат посамоуверено
• Повеќе се потпираат на сопствените способности
• Побрзо и поефикасно носат одлуки

Впечаток кај другите

Жените со шминка се сметаат за покомпетентни од ненашминканите.

Според неодамнешни истражувања, се смета дека колку поумешно жената нанесува шминка и колку поатрактивно лице има, толку побрзо околината ќе види нешто посебно кај неа.

Улога во тимот

Но, кога станува збор за лидерски способности, нашминканите жени имаат помала шанса успешно да водат тим.

Причината е во тоа што другите не ја гледаат како потенцијален лидер и нејзините барања нема да бидат слушани и исполнети.

Младост

Некои девојки едноставно не сакаат да пораснат никогаш, а нивниот „протест“ го прикажуваат преку шминка.

Присуството на розово руменило и силна шминка на очите укажува на девојка која уште сака да биде дете.

Таквите девојки се перципираат како помлади од што се и се склони кон младоликост.

Самодоверба

Жените кои сакаат да заведуваат и да бидат во центарот на внимание се оние со силна боја на кармин, посебно црвен, бидејќи имаат посебна самодоверба и се покомуникативни.

Според научниците, силната боја на кармин е поатрактивна:

• Жените со црвен кармин се во фокус на туѓ поглед 7.3 секунди
• Жените со розов кармин се во фокус на туѓ поглед 6.7 секунди
• Жените без кармин ги гледаат само 2.2 секунди

Анксиозност

Типично за жените кои минуваат низ стресен период е да се камуфлираат и да ги кријат недостатоците со шминка.

Ако жената е нашминкана само за да го покрие вистинското лице, тоа укажува на зголемена анксиозност, посебно кај жените кои не излегуваат никаде без шминка.

М. М. | Црнобело