Домашно масло од лаванда за омекнување и освежување на кожата по летните одмори

Во текот на летните денови, кожата на телото повеќе се суши, посебно по летните одмори кога подолго време сте биле изложени на сонце, горење, лупење.

Затоа, по завршувањето на одморите важно е повеќе да се негува кожата за да се освежи и омекне.

За таа цел, не ви се потребни некои посебни козметички препарати кои ќе ги платите скапо, туку можете сами да си направите природни масла.

Лавандата има голема улога кога станува збор за омекнувањето и обновата на кожата, па можете сами да си направите масло од лаванда и купка за туширање.

За масло од лаванда

Потребни состојки:

• Маслиново масло
• Цветови од лаванда

Постапка:

Наполнете 2/3 од чиста тегла со цветови од лаванда и прелијте со маслото.

Теглата ставете ја на сончево место и во наредните 20-30 дена секој ден по малку протресувајте ја.

По месец дена процедете го маслото преку сито за да добиете чисто масло без остатоци од билки.

За купка за туширање со лаванда

Потребни состојки:

• 1 kg крупна морска сол
• 2 шаки цветови од лаванда
• Бебешко масло
• Гел за туширање

Постапка:

Измешајте ги сите состојки во еден сад, а потоа по желба додадете бебешко масло и гел за туширање во мерка која ви одговара.

М. М. | Црнобело