Трикови за шминкање за девојките со очи во форма на бадем

Шминката служи за да се истакне природната убавина, а не да се прикрива. Но, новите трендови често промовираат користење на шминка до степен на непрепознатливост.

Како да препознаете дали имате очи со форма на бадем?

Ако линијата на вашето око е видлива и може да се следи закривувањето, а ирисот ги допира и горната и долната трепка, тогаш вие имате очи со форма на бадем. Врз основа на ова можете да научите како правилно да ги шминкате очите и за дневни и за свечени прилики.

Запомнете, шминката работи во ваша корист, а не обратно:

Светол ајлајнер за исцртување

За да им дадете на своите очи подлабока димензија, исцртајте линија со помош на сенка и тенка четка или течен туш за очи во светла седефаста или светкава боја. Разликата е веднаш видлива. Со ова, вашите очи изгледаат визуелно поголеми.

Сенка во делот под окото, за истакнување на формата

Нанесете сенка по долната линија на окото, веднаш до надворешниот раб. Со ова ја дополнувате дефиницијата на окото и ги спојувате надворешните агли во целина.

Направете мачкини очи

Со помош на црн туш за очи, исцртајте тенка, но мачкеста линија. Овој стил ѝ одговара речиси на секоја форма на очи. Можете да експериментирате и со понепрецизна линија и да размачкате, за да добиете зачаден изглед.

Светла сенка на горниот капак

Со нанесување на светла сенка на горниот капак, по можност светкава, ја истакнувате бојата на очите и ги акцентирате, за да бидат највпечатлив дел од вашето лице.

Ефект на крило со сенката

Последната опција за шминкање која може да ја примените ако имате очи со форма на бадем, е да се нашминкате така што сенката ќе потсетува на крило. Можете да мешате повеќе бои или да одите на сигурно со една нијанса.

Е. Д. | Црнобело