Холивудски шминкер открива: Како најлесно да ги исчистите четките за шминкање?

Кит Мур е холивудски шминкер кој ја имал честа да соработува со многу популарни јавни личности како Мараја Кери, Ники Минаж и Тараџи П. Хенсон.

Неговото богато портфолио потврдува дека тој навистина знае многу шминкерски трикови, а неодамна еден од нив го сподели и со јавноста.

Имено, покрај техниките за шминкање, особено важно е да знаете како да ја одржувате хигиената на алатките за шминкање, со посебен акцент на четките.

Според Мур, решението содржи само 2 состојки:

• Кокосово масло
• Течен антибактериски сапун за дезинфекција

Откако ќе ги помешате овие две состојки, добро истријте ги четките со оваа смеса и исперете ги со млада вода.

Истата мешавина може да ја користите и за чистење на виткачот за трепки и пинцетата за веѓи и влакна, на чија дезинфекција луѓето често пати забораваат.

Покрај оваа домашна смеса за дезинфекција, Мур често пати користи и специјално наменети средства за чистење на четките. Само ги остава четките да отстојат во течноста одредено време, а подоцна потребно е само добро да се исперат.

Сепак, вреди да го испробате трикот со кокосовото масло и антибактерискиот сапун кој е ефикасен и евтин, нели?

(О)Милена | Црнобело