26-годишна девојка со ретко нарушување на кожата е пример за позитивност

Нејзината кожа е нееластична и со брчки, но таа порачува дека без разлика на сѐ треба да се сакаме такви какви што сме.

Сара Гертс е 26-годишен модел кој го има реткото нарушување Ehlers-Danlos syndrome (EDS), кое ги погодува ткивата на кожата и ја забавува продукцијата на колаген.

Нејзината кожа е со брчки и помалку еластична и изгледа како кожа на многу постара личност.

„Во средно училиште се обидував да ја покривам кожата. Не сакав никој да ми поставува прашања за тоа. Не сакав да зборувам за тоа“, изјави Сара.

Сега, по години криење таа конечно го прифаќа своето тело такво какво што е. Од 2015 почна отворено да говори за својата состојба и доби илјадници коментари за поддршка и охрабрување.

Сара порачува дека секој е убав на свој начин и сака да ги натера луѓето да го истакнат тоа по кое се разликуваат од другите, а не да го сокријат, како што таа правела години наназад.

Таа работи како модел за да ги помести стандардите за убавина и да покаже дека несовршеностите треба да се слават.

С. С. | Црнобело