Спас во последен момент: Трикови со кои ќе ја намалите видливоста на целулитот

Иако можеби сте си ветиле дека за ова лето ќе вежбате и ќе се ослободите од целулитот, најверојатно сте немале време за ништо од тоа. 

Па сега, кога започна сезоната на кратки панталони и костими за капење, сигурно се чувствувате несигурно поради целулитот кој не сте успеале да го отстраните.

За среќа, нема потреба да се срамите од вашиот целулит, а можете колку-толку да го прекриете со овие едноставни и брзи трикови, доколку е неопходно, секако, не секој ден.

Контурирање на нозете

Контурирањето на лицето беше вистински хит, но дали знаевте дека можете да го направите тоа и на вашето тело? Благодарение на Јутјуб блогерите можете да најдете безброј видеа со инструкции.

Овој трик го користат и славните кога немаат многу време, а кога мораат да изгледаат беспрекорно на црвениот тепих. 

Средство за самопотемнување

Сигурно сте забележале дека целулитот е многу повидлив на светла кожа. Токму поради ова сите го посакуваме бронзениот тен. Но за да ја намалите видливоста на целулитот пред воопшто да отидете на плажа, инвестирајте во крема за самопотемнување.

Сепак, бидете внимателни со овие продукти и гледајте да не добиете потемна нијанса од останатиот дел од телото.

Ладен туш

Колку и да уживате во туширањето со врела вода, студената е онаа што ќе ја затегне вашата кожа. Па, на крајот од туширањето пуштете млаз студена вода и обидете се да издржите барем 5 минути.

Нема потреба целите да се туширате со студена вода, туку само проблематичните делови. Со ова целулитот привремено ќе се намали.

Спирова С. | Црнобело