Најбогатите жени во светот изгледаат просечно – Зошто убавината не им е приоритет?

Следен пат кога ќе искоментирате „да ги имам нејзините милиони на сметка, и јас ќе изгледав вака,“ сетете се дека баш најбогатите жени изгледаат просечно.

Зошто? Едноставно е – имаат поважни работи во животот.

Како изгледаат жените кои таложат милиони на сметките?

Татјана Бакалчук, Русија – богатство 1,2 милијарди долари

Татјана секој свој долар го има стекнато со макотрпна работа, со оглед на тоа што потекнува од просечно семејство кое немало да ѝ остави наследство.

Се школувала за учителка, но подоцна основала интернет продавница преку која се збогатила.

Се облекува обично, не сака шминка, а ни брендирана облека.

Савитри Џиндал, Индија – богатство 6,5 милијарди долари

На 59 години, Савитри е најбогатата дама во Индија. Има 9 деца, а се збогатила откако сопругот починал и на неа и нивните деца им ја препишал целата компанија.

До ден денес носи традиционална облека, а благодарение на нејзината скромност, на сите вработени во компанијата приходите им се зголемени.

Дајана Хендрикс, САД – богатство 7,9 милијарди долари

Дајана е извршен потпретседател и сопственик на компанијата ABC Supply, има 73 години, 7 деца и кариера која цвета.

Што се однесува со изгледот, потенцира само дека сака здрава исхрана и спорт.

Јанг Хуијан, Кина – богатство 27,2 милијарди долари

Јанг има 38 години и е најбогатата жена во Кина. Нејзиниот татко откупил акции во градежна фирма и ѝ ги препишал неа.

Кинеските медиуми често го коментираат нејзиниот изглед и фактот што не се труди да биде убавица, но таквите критики не ја допираат.

Франсоаз Бетенкорт Мајерс, Франција – богатство 49,5 милијарди долари

Франсоаз е најбогатата жена на планетата. Поседува 33% од Loreal. Постојано донира во добротворни цели.

Ако зборуваме за нејзиниот изглед, далеку е од атрактивна. Но, не ѝ е важно. Има 66 години и не планира да ги крие своите набори на лицето.

М. Д. | Црнобело