Што е парфем, а што е тоалетна вода? Во што е разликата?

Сигурно неколкупати досега сте купиле супер парфем, сте го платиле солидно, но неговиот мирис испарува побрзо од очекуваното – за само неколку часа. Во што е проблемот? Веројатно сте купиле тоалетна вода.

Каде е разликата, како да ги разликувате сите варијации од тоалетна вода до парфем и за што да се одлучите?

Деталите се во продолжение:

Le Parfum – парфем или екстракт

Парфермите содржат повеќе од 20% парфимирана маслена есенција и тоа е мирисот кој ќе остане на вас од утро до вечер, но тоа си побарува и највисока цена.

Текстурата им е густа и благо маслена. Се продаваат во стаклени шишенца со капаче.

Eau De Parfum – парфимирана вода

Следниот вид на производ е со помала концентрација од претходната, односно помеѓу 15 и 20%.

Во просек, трае од 4 до 6 часа на вашата кожа. Се пакува во класични парфемски шишенца со распрскувач.

Eau De Toillete – тоалетна вода

Тоалетната вода е мирис со концентрација измеѓу 5 и 15%, па затоа е поевтина верзија од претходните две опции.

Нормално е да трае помеѓу 2-3 часа на кожата и се смета за дневен, лесен мирис кој може да го нанесувате пообилно.

Eau De Cologne – колонска вода

Колонската вода е со најниска концентрација на парфимирана маслена есенција, само од 2 до 4% и поголемо ниво на алкохол, па затоа е најевтина. Трае максимум 2 часа на кожата.

Колонската вода се пакува во поголеми шишенца, бидејќи повеќе се троши, поради честото обновување на мирисот.

Eau Fraiche

Многу слична верзија на колонската вода, со мирис кој трае до 2 часа. Сепак, има помала концентрација на 1 до 3% чиста парфимирана есенција.

Но, за сметка на тоа не содржи голема количина на алкохол, туку е на база на вода.

Наменета е за оние со чувствителна кожа.

М. Д. | Црнобело