Немаат бели влакна и имаат густи, долги коси - која е тајната на жените од племето Јао?

Во кинеското село Хуанглуо живеат жени од племето Jao кои имаат најдолги и најгусти коси на светот – без бели влакна. Тие се шишаат само еднаш во животот, на 16 години, пред да најдат сопруг.

Која е тајната за одржување на нивната коса, без седи влакна до 80-тата година?

Тие велат дека се мијат исклучиво со ферментирана вода, водата која останува откако ќе го сварите оризот.

Тајната е во антиоксидансите кои ги испуштаат зрната ориз за време на готвењето, а тие ја хранат косата. Истражувањата покажуваат дека оризовата вода содржи и минерали и витамин Е, но и дека има својства кои ја прават косата еластична и спречуваат оштетување.

Боагата е со аминокиселини кои го зацврстуваат коренот на косата, а ова го спречува опаѓањето и влијае на густината. По миењето влакната се меки и сјајни.

Како да направите оризова вода?

Сварете ориз во нешто повеќе вода од вообичаено. Исцедете ја водата и оставете ја на собна температура 24-48 часа.

Таа ќе ферментира и ќе добие киселкаст вкус. Ако сакате мирис, додадете неколку капки етерично масло.

Течноста се нанесува на влажна коса, се масира коренот околу 5 минути и се плакне со вода. Не треба да ставате шампон и маска. Пожелно е косата да ја сушите природно.

Остатокот од водата можете да го чувате во фрижидер за следното миење.

Е. П. | Црнобело