Зголемување на очите, избелување на кожата – најпопуларните козметички процедури во Јужна Кореја

Обликување на челото и брадата

Овие третмани најмногу ја покажуваат умешноста на корејските пластични хирурзи. Можеби вие не би ни помислиле на ваков зафат, но во Јужна Кореја многу луѓе го менуваат обликот на нивната брада со помош на пластична операција.

Неретко прават и корекции на челото, особено ако сметаат дека им е „спласнато“:

Обликување на вилицата

Корејските пластични хирурзи можат и целосно да го променат обликот на вилицата. Доста често се прават и процедури за зголемување на јаболчниците.

Ринопластика

Ринопластиката, или пластична операција на носот, е еден од почестите козметички зафати. Додека некои луѓе ја прават оваа операција од здравствени причини, повеќето во Јужна Кореја ја прават за да добијат совршен, најчест помал, нос.

Интересно е што и мажите доста често прават пластична операција на носот.

Менување на обликот на очите

Овде, доста популарни се и операциите со кои се средува изгледот на очните капаци. Истовремено, постои и операција која може да ги направи очите малку пошироки.

Зголемување на градите

Поради стандардите за убавина што им се наметнати на жените, операцијата за зголемување на градите е најбарана во Јужна Кореја. Може да се каже дека ова е и најпопуларната пластична операција насекаде во светот.

Спирова С. | Црнобело